Hillary西洋版娜姐

做o挸模起家嘅娜姐，近年升呢拍電影，難怪坊間妹豬又羨又妒，呻話露吓波罅就有運行，早知後生兩年之時就去整大兩Cup啦！其實依家都未算遲，好似美國水着妹Hillary咁，阿妹行年28，入行接近3年，都係全程着比堅尼，影吓胸圍底褲相，擺吓「倒奶」甫士，咁就紅到發紫！假如將樣貌身材攞出嚟秤，查實Hillary絕非頂班馬，甚至有人話求其搵個脫星都贏佢幾個身位，咁點解阿妹可以咁出位呢？

倒奶+炒作

認命嘅會話係際遇，唔信邪嘅就會讚阿妹夠勤力同埋識做人！有傳入行頭兩年，Hillary都係水着界二打六，專接拍一啲比堅尼目錄，期間有成人雜誌邀請佢拍全裸寫真，仲有四仔公司搵佢做素人脫星拍AV。

雖然阿妹統統拒絕，但就採取拖字訣態度，令外界對佢是否入行深感興趣，Keep住曝光率，後來仲成立埋Fan Club，不少品牌更搵阿妹行騷剪綵，到佢開埋官網，自此踏上成名之路。阿妹嘅成名方程式，某程度同娜姐一樣：倒奶+炒作，咁就唔使剝都紅啦！