賣身變濕身
不少人早前都趁住驚蟄去打小人發洩怨氣，當日唔單止有好多人打小人，仲有好多人遊行示威，最後更加釀成警民衝突。而喺離我哋不遠嘅東莞，當日亦有大量市民上街，不過就唔係遊行示威，而係四圍射水。
射水祝福
原來，明末清初嘅時候，東莞市就將二月初二定為賣身節，當日有意出賣勞力嘅人，就會走出街等候僱主招聘。時至今日，賣身節就變成市民上街慶祝嘅節日，而為免大家窮到要賣身，所以大家於呢一日就上街射水，正所謂水為財，互相射水就寓意互相祝福財源廣進喇！
今年嘅賣身節當日，東莞市亦有舉行慶祝活動，有大量歌舞表演，街上氣氛非常熱烈。不過，氣氛熱烈嘅主要原因其實係各位男士都好有默契咁，專揀單身女士嚟射水！搞到班女仔濕晒身，着淺色衫嘅女士更特別受人「歡迎」，因為佢哋濕身之後，入面嘅胸圍登時不藏而露！雖然係咁，但係濕身透視嘅女士都一樣玩得好開心，雖然今次我無緣參與，但下個月就係泰國潑水節，等我買定機票過去玩先！