樂壇型女初露出
現今樂迷對歌手嘅要求好高，唔單止要你歌藝好，仲要相頭索先至會受歡迎，所以好多女歌手為咗吸引樂迷注意，不時都會作出性感扮相，開演唱會時嘅衣着更加有咁暴露得咁暴露，同舞蹈員嘅舞步有咁火辣得咁火辣。
不過，佢哋都仲未夠日本女歌手咁勁，因為日本唔少女歌手平時都會做模特兒，以性感火辣嘅水着造型拍寫真，而有「高達歌姬」之稱嘅玉置成實，最近更推出一本全裸，但三點不露嘅寫真集添！
不過大家亦唔好忘記留意樂壇型女上木彩矢嘅第一部寫真集《Liveaevil》喎！今年25歲嘅上木彩矢加入樂壇已經接近7年，一向都行型格嘅樂與怒路線，由於上木彩矢靚女之餘，身材亦好標青，所以閒來亦有做雜誌模特兒。而今個月，上木彩矢就推出寫真集《Liveaevil》，除咗用番自己嘅型格形象拍攝外，相片仲有極高露出度！至於有冇露到一點半點，大家就要買本睇睇喇！