Samantha Saint王后有話兒

電影《皇上無話兒》橫掃奧斯卡獎項可謂實至名歸，可惜現實中被譽為王后脫星嘅Samantha Saint，就失落於AVN最佳新進女脫星獎，外界都認為有造馬之嫌，難怪阿妹火都嚟。

失落獎項

現年23歲嘅Samantha Saint，無論身材樣貌都係一等一，雖然大部分經過後天加工，但Samantha則話整容無非為滿足四仔迷，而且阿妹喺入行前就做好「準備」，絕對有誠意要喺四仔界闖出一番事業。

阿妹「硬件」OK，咁經驗方面又點呢？Samantha被評為近10年少有嘅天才級脫星，無論係豆腐片定男女混戰都一樣應付自如，連導演都大讚佢係床上極品，自己都想落床演埋一份。最特別係阿妹拍床戲時好鍾意笑，比起一般脫星夾硬裝出嚟嘅肉緊樣，阿妹顯得自然舒服，令戲裏戲外嘅人都咁冧佢。

出道半年，阿妹已經演過50部大小作品，片種多不勝數，更被業界封為王后，外界早已買重阿妹攞硬AVN嘅最佳新進脫星獎。但人算不如天算，最終阿妹竟然食白果收場，記者問佢有咩感想，佢就話：「既然用心拍都冇獎攞，今年我決定主力搵真銀，唔會放太多精神喺四仔作品度囉！」阿妹呢次擺明畀說話大會聽，睇怕Fans想短期內再睇到阿妹喺四仔中落力演出都幾難喇！

Samantha Saint's Profile

出生日期：1987年6月8日

三　　圍：34DD-24-36

身　　高：5呎8吋