動感出浴場面
肥明老婆有咗身孕，所以冇行房已經一段日子，但日谷夜谷，冇得洩慾，令佢鬼咁辛苦。呢晚肥明喺書房上網，發現有一段片寫住「三點全露，活潑開朗全解放，畫面動感十足，兼有大量出浴場面。」於是佢即刻下載，見到條片有成20GB咁大，佢心諗：「嘩！條片容量咁大，一定係充滿激情嘅長篇巨製喇！呵呵！」由於影片容量大，下載時間相當長，直至深夜時分，先至下載完成。肥明見老婆喺睡房已經瞓咗，諗住可以安心慢慢睇，仲預備定紙巾邊睇邊自娛時用，點知就喺準備播放嘅時候，老婆突然推門行咗入嚟書房：「老公，做乜仲唔瞓呀？」慌張嘅肥明即刻熄咗個顯示屏，老婆見狀就話：「睇乜嘢咁神神秘秘啫？」說完就再開着顯示屏，播放中嘅影片令二人大感震驚，畫面有好多BB，跟住一個慈祥嘅婦人示範為初生BB沖涼，老婆開心話：「老公，原來你唔瞓覺就係為咗學習幫BB沖涼，你真係抵錫！」此時，肥明失望到用紙巾輕抹流下嘅淚水……