通俗抵死兩性秘笈
談論兩性嘅書籍大多數都好嚴肅，為免畀人低俗嘅感覺，用字上都比較正派，往往令內容欠缺趣味。而今日介紹嘅呢本有關兩性嘅新書《床上床下》，作者叫做柳喪彪，係台灣超人氣嘅兩性專欄作家，作風出晒名夠「喪」。
由於作者用字淺白，而且舉例抵死，睇落十分有趣，全書一共收集咗18篇有關兩性愛情以至談論性愛技巧嘅文章，其中有篇教大家點樣利用AV片嚟增進男女之間嘅感情，絕對值得細味；另有篇幅教大家新奇嘅高潮體位，仲話包保萬試萬靈。
有書評話佢譁眾取寵，但對於要睇兩性書籍嚟解決問題嘅朋友嚟講，用輕鬆幽默嘅手法，總比書院說教式更易吸收，所以呢本書自推出後深受讀者歡迎，對兩性關係有興趣嘅朋友，不妨買本睇吓啦！
書 名： 《床上床下》
作 者： 柳喪彪
出版社： 英屬維京群島商高寶國際
售 價： NT$250（約HK$83）