面有汗毛奄尖難頂
相信大家都聽過美人生鬚，但嚴格嚟講，囡囡生嘅唔係鬚而係汗毛，而面上經常長出汗毛嘅地方，其實都有好幾處，當中以兩邊面頰最為常見，原來囡囡只有兩邊面頰生出毛毛，係代表佢為人比較挑剔，唔只飲食上，連其他生活細節都幾揀擇！
喺佢哋嘅字典裏面，永遠冇「是但」呢兩個字，就算買棵葱都會左挑右揀，揀男朋友亦都一樣，要求永遠講都講唔晒，於是乎成30歲人都未必揀到男人拍拖，但好奇怪，只要過咗30、40歲後，面上汗毛一甩，姻緣運就會自然出現番。
但面上一日仲生有汗毛，囡囡揀男友就仍然會諸多要求，搞到係人都怕咗佢，至於剃毛有冇效？剃乾淨就有效，不過一生番出嚟就會嫌男人呢樣、嗰樣，最終又係分手收場。如果玩一夜情都仲有運行吓，但若然想搵個固定情人，就注定冇行！