狗仔式過河
以肥明為首嘅一群狗公，經常喺山林間覓食。呢日手下阿廣匯報，話喺河邊對岸嚟咗群狗乸，佢哋隻隻毛色金黃，身材又正斗。於是肥明立即率領成班手下，向水邊進發。
當佢哋去到河邊，發現水中有好多鱷魚，但由於嗰一刻個個色慾攻心，決定唔理三七廿一，成班手下率先跳落河，向對面岸游過去。肥明見到手下個個落晒水，亦都唔執輸跳埋落去。點知佢上到岸，卻發覺班手下一臉痛苦咁碌地沙，原來佢哋嘅子孫根畀鱷魚咬咗去，慘變成太監，唯獨肥明冇事，完整無缺。阿廣問肥明點解佢會冇事，肥明笑道：「好簡單啫！因為我頭先唔係用狗仔式游過河，而係游背泳，咁咪冇事囉！」說完佢就施施然同班狗乸曳曳去也！