催情清潔筆
日本仔嘅創意真係唔到你唔服，喺千篇一律、玩無可玩嘅性玩具市場下，居然又有新嘢推出，今日介紹呢支Clacla清潔筆，集創意與細心於一身。佢外形似足唇筆，但其實係專為清潔性感又難洗擦嘅部位，如耳洞及肚臍而設嘅清潔筆。點解要重點清潔呢啲部位？咪係方便一眾靚女同另一半親熱前可以做足準備，免得對方錫起呢啲敏感地帶時，至發現又黃又黑咁倒胃口，就算幾想做都即刻冇晒Mood啦！
呢支清潔筆分粗幼兩頭，較粗一邊用於耳孔，較幼一邊則用於肚臍，約可使用15次。據生產商表示，筆頭流出嘅美容液，除有清潔作用外，其麝香氣味能達至消臭兼催情效果，配合「篤篤吓」穴位按摩，更可幫助快速提升慾火。筆狀包裝方便收藏於化妝袋內，貼心到咁，真係要畀10個叻佢！