倩女幫人之黑到撞邪

最近由於業主又加租，所以我要租過第二個單位居住。我搵咗好耐之後，終於搵到一個700幾平方呎嘅兩房兩廳單位，租金只係收$2,000一個月，真係抵到爛！呢間唐樓雖然係舊，而且夜晚街燈嘅光線仲會照晒入嚟，但係地方夠實用，相當唔錯。

當黑朋友

今晚朋友黑仔達打電話畀我話：「肥寶，我好慘呀！」我問：「你成世人都咁慘o架啦，仲有命同我傾電話咪算好囉！究竟咩事呀？」黑仔達喊晒口話：「唉！我女友呃晒我啲錢呀！最慘係呃埋我間屋，家陣無家可歸，我收工之後諗住喺公司度宿啦，點知又撞正老細同清潔阿姐幽會，仲畀佢炒埋添！」我又問：「咁你想點吖？」黑仔達話：「我想叫你收留我囉！橫掂你間新屋有兩間房，麻煩你吖！」

我同黑仔達由細玩到大，一支波板糖兩份食，一本鹹書都兩份睇，又點會唔幫佢呢！所以，我就去幫黑仔達拎行李，再帶佢返屋企！安頓好之後，我就同黑仔達落大牌檔炒兩味小菜食，飲幾支大啤，然後再畀條新底褲佢換，等佢驅走啲衰氣。

一夜銷魂

入睡之後，當我瞓到矇矇矓矓之間，我聽到隔籬房嘅黑仔達係咁呻吟，其實我都知黑仔達有鋪自娛癮，有次同佢去旅行，坐旅遊車嘅時候，黑仔達夢遊，期間又郁手自娛，搞到我不知幾咁尷尬！由於知道黑仔達可能又夢遊，所以我一於照瞓。

到第二朝，我雙眼一打開，就見到黑仔達面青青咁坐喺我旁邊！我大喝：「你個死仔，玩嘢咩！畀你嚇死喇！」黑仔達口震震咁話：「我嚇死至真呀！尋晚我畀隻女鬼搞呀！」黑仔達繼續話：「尋晚我入睡之後，突然有個女人從窗邊行埋嚟，我想郁都郁唔到，把口亦只可以發出微弱聲線。之後，個女人就剝我條褲，再幫我吹奏！然後又餵我食提子，繼而騎上我身，先係慢慢扭動纖腰，再用利落嘅動作將我騎爆。完事之後，仲好似同我講咗幾句，不過我唔記得佢講咩喇！今朝一起身，我諗諗吓就覺得呢個女人係女鬼！」

雖然我唔多信有鬼，但係聽人講一個人時運低，撞鬼嘅機會就會大增，相信黑仔達亦因為咁而撞邪。（待續）