糊塗捉姦

欣欣係一個典型家庭主婦，老公做小生意，生活比上不足比下有餘，欣欣亦十分滿足，只要老公對佢好，亦別無所求，只希望可以快點生兒育女，不過愈急就愈無，兩人不設防幾個月，都係得個吉。

欣欣老公開始有點不耐煩，更試過深夜才歸家，隔籬屋嘅陳太看在眼裏，由於佢係過來人，知道欣欣老公一定係出面有女人，於是有日佢就同欣欣講：「李太，你老公呢排係咪好夜返，我老公以前都係咁，結果畀我踢竇之後，就唔敢再出去滾喇！」

欣欣慌忙分辯：「我老公唔係啲咁嘅人！」陳太：「邊有唔食魚嘅貓吖！你信我喇！聽日我同你一齊跟蹤佢，就知佢有冇去滾。」欣欣雖然半信半疑，但係內心有點忐忑不安，於是點頭答應。

真相大白

翌日，兩人大約放工時間喺李先生嘅辦公室樓下埋伏，欣欣見到老公放工離開，但沒有即時返屋企，反而去咗另一個屋苑，佢同陳太一直跟上樓，發現老公走入一個單位，之後單位內傳出男女歡娛聲：「呀……快點吧……我快到了！」「呀……你好厲害……」之後夾雜陣陣人肉撞擊聲及呻吟聲，仲有女方不斷苛索的聲音。

「嗱！我都話天下烏鴉一樣黑喇！」欣欣望住陳太：「咁依家點呀？」兩人決定按門鐘，之後有一個男人出嚟開門：「你哋搵邊個呀？」兩人你眼望我眼，再望望屋內正播放一套鹹片，此時突見李先生沖完涼出嚟，見到老婆企喺門外，整個場面僵住了。

李先生終於開腔：「欣欣，你冷靜啲，其實我係同性戀者，不過又想生仔。」欣欣望住陳太，再望望丈夫：「早響呀！廿萬生一個。」陳太爭住搭嘴：「廿萬！我都仲生得喎！」（完）