萬中無一
肥牛最近去見泌尿科醫生，入到診所之後，醫生就問：「有咩問題？」肥牛有少少怕醜咁話：「我細佬有問題，不過麻煩你睇到嘅時候唔好笑，否則我會怕醜到死o架！」
醫生就拍晒心口話：「我好有專業道德，點會取笑自己嘅病人呢！」肥牛聽到之後非常放心，於是除褲畀醫生檢查。
估唔到肥牛嘅細佬真係細得交關，就好似兩粒提子上連住一粒花生一樣，雖然醫生睇「雀」無數，但係都認為佢屬於萬中無一咁細小，於是忍唔住笑咗出嚟！肥牛見狀，即刻拎起醫生枱頭嘅開信刀架頸想自盡！醫生就即刻話：「真係好對唔住，係我唔啱，你唔好自盡呀！」好唔容易，肥牛終於冷靜落嚟。醫生再問：「咁你快啲話我知邊度唔妥啦。」肥牛就慢慢話：「我細佬唔知做乜，呢幾日無端端腫咗兩粒嘢，好似提子咁款，點算呀醫生？」醫生又再忍唔住……