耳珠硬房事欠新意
女性嘅耳珠部分如果摸落去比較硬，原來代表佢哋性格比較倔強，個人主觀性特強，即使四五個人一齊游說佢都不為所動，堅持己見，年輕時絕對係反叛少女，但出嚟工作後都唔肯改變，就會好難同人合作，經常要一個人作戰到底。
如果工作只需要一個人做，咁就冇問題，而且仲會有唔錯嘅成績；但如果同人合作，咁就一定冇運行。感情上亦都一樣，佢講過就算，男朋友講多一句都唔啱，而且控制欲比較強，男朋友去邊度都要報到，相信冇乜男仔會頂得住，所以感情生活麻麻！
可能要到30歲後至會搵到合適嘅對象，有機會係異路姻緣，即係識外國人或者同自己相差10年以上嘅男人。喺房事上佢哋亦都好麻煩，一定要照佢嘅安排去做，好在會事先講明，另一半乖乖配合就可以，但日子一久，就變得千篇一律，有時都幾悶！