世界波：AV女夾Band 打鼓嘭嘭聲

依家所有藝人都係多棲類，歌影視三棲先至有足夠曝光率，估唔到脫星Dillon McNeil都學人走多元化路線，明明拍開四仔無端端又走去夾Band，仲學人做鼓手，結果打上癮，仲話自己打鼓嘅時候，試過有高潮添！

話說Dillon最近組咗一隊Hardcore樂隊，專門唱埋啲有味搖滾樂，佢嘅歌藝就真係一般，不過勝在夠放夠淫，所以都有一定捧場客，仲將樂隊同四仔結合，大玩搖滾四仔，都幾新鮮嘅，影迷仲可以欣賞吓佢嘅打鼓秘技添！

打到High晒

阿妹呢排好勤力練鼓，唔知係咪臨老學吹笛，特別容易上癮。佢為咗打鼓連溝仔都無時間，你話佢係咪上腦，仲話自己可以喺打鼓上得到高潮，唔需要男人。「我真係好鍾意打鼓，雖然只係初學，但係每次都要打幾粒鐘，先可以滿足到我，而且打到樂極忘形嘅時候，試過有高潮出現添，都唔知係幻覺定係太投入，總之感覺好High，就嚟唔需要男人喇！」

搖滾四仔

好彩佢又傻唔晒，仲諗到將搖滾同四仔Crossover，總算有新意思，好多片商都Buy佢呢個Idea，所以佢之後應該唔憂無戲拍，仲有大把本錢玩音樂添！「對自己隊Band好有信心o架！而且片商又支持我開拍搖滾四仔，所以之後一定有機會紅嘅！依家有好多男優都話有興趣參與我套新戲，所以我一定要慢慢揀，最好可以搵到個有音樂根底嘅，拍出嚟感覺一定合拍好多。」

作品推介

碟名：《Big Breasts》

內容：未開拍新戲之前，阿妹啲戲都係好傳統，晒大波、大籮，總之多啲嚟密啲手，好似人肉打樁機一樣，砌到開花。

Dillon McNeil's Profile

年齡：26歲

身高：5呎4吋

三圍：34C-24-34