兩眉開闊最佳情人
兩眉之間嘅印堂開闊，無論男女有此相格都係好事，男人大多性格開朗豁達，做事光明正大，唔會小器，有人得罪佢哋，就算幾嬲都好，第二朝起身就會忘記得一乾二淨，所以深得朋友嘅支持同幫助，工作上發展稱心如意。
喺感情上，佢係個愛恨分明嘅人，如果愛上一個人，佢哋會為對方無償付出，就算最後對方唔愛自己，佢都會祝福對方，希望佢幸福快樂；但如果對方反面分手，咁佢就會好快忘情棄愛，他朝再見面，都會視為陌路人，招呼都唔打一個。
由於佢哋敢愛敢恨，所以做佢哋嘅另一半，只要按照遊戲規則去玩，就會感受到公主般嘅禮遇，絕對係一個好男友。至於喺床上，佢哋同樣係一個好對手，為咗滿足另一半，會花盡心思喺技巧上令對方得到愉悅，絕對係一個好嘅床上情人。