鬍子男 唔夠認真
男人嘅鬍鬚，以唇上為鬍，唇下為鬚。如果男士們成塊面只有鬍子部分有明顯嘅鬚根，而其他部分滑溜溜嘅話，就代表呢個男士賀爾蒙分泌較弱，如果係年輕人嘅話，就表示佢哋有可能係處男，而當性生活頻密起嚟，鬚根就會生出嚟。
如果人到中年，有正常性生活，但係都只得唇上長滿鬚根，相學話呢種男人會比較陰柔，即係有啲娘娘腔，做事同性格都有啲女性化，喺古時種唔到田、打唔到獵，一定會餓死。但時至今日已經完全唔同晒，大把工作啱佢哋做，而且仲做得好出色添！
喺感情上，佢哋唔使擔心冇女性朋友，反而要佢哋喺身邊一大堆女人中揀個戀人就會好困難。至於性事方面，佢哋並唔係太熱中，而且畀人有啲玩玩吓嘅感覺，經常令對手大失所望，絕對唔係一個好床伴。