紅酒增性趣

雖然話酒係穿腸物,不過,近年有好多醫學研究表示,飲適量的酒,例如紅酒,有助心血管健康,只要唔係酗酒就得喇!較早前,意大利一名醫生仲認為紅酒唔止有益健康,更加可以令女性增加性趣添!

幫助血液循環

話說呢位醫生搵咗800名年齡介乎18至50歲嘅女士進行研究,然後分為三組,第一組每日飲一至兩杯紅酒,第二組就每日飲少過一杯紅酒,第三組則唔飲酒。一個星期之後,眾女士被安排進行一項女性性功能指數測試,呢個指數一般都被用作評估女性嘅生理健康,指數愈高表示性慾愈旺盛。結果,第一組嘅平均指數為27.3,第二組就係25.9,第三組則為24.4,換言之,紅酒能夠增加女性嘅性慾。而醫生解釋,紅酒所含嘅物質能夠幫助血液循環,血液更容易流到「三角位置」,自然令女性更易動情,提升慾望。

Max