髮際參差內向難追
男仔有冇試過遇上心儀對象但係追極都追唔到呢？有機會嘅話，真係要睇下囡囡額頭嘅髮際線係唔係參差不齊。
原來額頭髮際參差不齊，就代表呢個囡囡會比較內向同被動，就算個男仔向佢再三表白，佢都會冇膽入情關，所以做男朋友嘅一定要有顆堅毅不拔嘅心，畀多啲信心囡囡，咁至會有機會開花結果，否則肯定會無疾而終。
即使追到手，男方都要繼續畀心機滋養感情，尤其喺性事上佢哋屬於慢熱型，如果想佢哋享受到性愛嘅樂趣，一定要畀時間做足前戲，努力令佢產生性趣至親熱，否則長期草草了事，佢哋會對性愛完全失去興趣，好易令婚姻亮起紅燈。