奇聞趣事：夜遊業難撈

報道指本地零售消費額破紀錄，各大小商場賺得億億聲數額，多得內地客力撐云云！但夜遊業就冇咁好景，好似早前港島區一間龍頭夜總會黯然結業，除代表本港夜遊業式微外，一眾囡囡亦為飯碗頭痕，有夜場囡囡話：「新春期間啲夜場的確旺爆，可惜客人齋飲酒唔出街，我哋冇錢搵仲要飲到啤啤夫，大覺瞓休息幾日都補唔番。」骨場方面亦唔見得好，事關骨場一早已講明喺新春期間加價，自然客人少咗，貼士亦少咗。骨妹抱怨話：「新年加價理所當然，但實情係我哋嘅收入冇多到，客人亦唔畀貼士，唔過年仲好！」至於向來難撈嘅鳳界，我雞蟲熹認識嘅十居其九喺新春期間都選擇休息，至情人節才開工，但有鳳姐話幾日冇開工，居然唔慣冇嘢搞，於是約熟客竹戰兼免費執劑喎！鳳姐話：「做慣咗，三更半夜痕起上嚟自然會手痕搵熟客，雀枱輸咗咪肉償囉，計落都冇蝕底啫！」咁點解唔搵我呢！

雞蟲熹簡介

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk