社交網Profile相好重要

小弟嘅偶像唔係武打巨星，亦唔係樣靚身材正嘅日本女優，而係社交網站創辦人Mark Zuckerberg，皆因小弟透過網站結識到唔少女仔，成日保持聯絡，得閒約飲茶又得、睇戲又得，最好就梗係打場友誼波啦！大家係咪好羨慕我可以喺網上識到咁多女呢？皆因我張社交網Profile相影得夠靚仔囉！咪睇小呢張相，影響力真係好大o架！

扮神秘最掂

話說外國有交友網站早前就個人Profile相做咗一個調查，利用7,000張年齡介乎18至30歲會員嘅Profile相，畀網友就相片嘅吸引力評分，結果有唔少驚人發現。如果女士直接向鏡頭賣弄風情，比起微笑評分會更高。至於男人雙眼唔望鏡頭兼扮Cool，評分亦相當高；另外，自拍嘅Profile相，無論係男定女，都會獲得高分數；而女士露乳溝嘅話，得分亦甚高。最後，調查仲有一個有趣發現，就係普遍網友對於神秘男女都頗為注意，如果一直唔上載個人資料相片，然後突然發布一張性感相，往往會極速吸引唔少人主動同你傾偈，各位想溝仔溝女嘅朋友，你識點做啦！