歪嘴妹 丈夫難偷食
如果大家有留意，有好多女政治家講嘢時，把口都會歪埋一邊，有啲偏左，有啲偏右，原來咁係代表講一套做一套。照相書記載，但凡說話違心嘅囡囡，把口都會偏埋一面，至於偏左偏右，就同政治立場無關，純粹心理問題！
講番歪嘴嘅囡囡，佢哋性格上會比較進取，唔會安於現狀，而為咗要實現夢想，於是有時會做超出自己能力之外嘅事情，而因為長期受壓所以講嘢時把口就會自自然然偏埋一邊。至於感情方面，她們亦比較進取，戀愛時十分主動，談婚論嫁亦可能由囡囡主動提出。
雖然樣樣嘢都做主動，但床上嘅表現就認真麻麻，唔好話唔會做主動，有時連男方提出歡好要求，佢哋都會懶於配合，所以做佢哋嘅伴侶，準備食長齋啦！但咪以為可以出外偷食喎，因為佢哋第六感超強，男伴稍稍有越軌之心，佢哋都有本事發現，想背住佢搞搞震，真係諗都唔使諗！