梅宮萬紗子噴血寫真
日本電視界嘅女星梅宮萬紗子，相信唔少日劇迷都會識佢，但原來佢投身電視圈之前，亦曾經係一名紅透半邊天嘅水着女星，拍過唔少寫真集同出過寫真DVD，叱咤一時。
而今年年屆33歲嘅梅宮，竟然再推出寫真DVD。講真梅宮一啲都唔輸蝕畀任何現役水着女優，事關佢嘅上圍有成34E，仍然有好大嘅吸引力，加上佢好似冇老過咁，皮光肉滑，點睇都唔似有三張幾，話佢得廿幾歲都有人相信。
乘勝追擊
有報道話梅宮喺電視圈一直半紅不黑，於是把心一橫拍寫真，希望再次憑自己嘅本錢嚟提升人氣。其實喺去年10月，梅宮已經推出咗一張《1scene》寫真DVD，銷量唔錯，火熱大賣。於是梅宮就食住個勢，喺今個月尾推出《2scene》，據知性感程度比上一輯更噴血、更大膽，梅宮嘅粉絲，唔可以錯過喇！