好心冇好報
肥浩晨咁早就趕去巴士站搭車返工，點知等咗半個鐘都未有巴士，但係佢一樣等得好開心，因為排佢前面嘅一位妙齡女郎身穿緊身長裙，美妙嘅臀部曲線表露無遺，睇到佢流晒口水。等咗好耐，終於有巴士到，不過急先鋒偏偏就遇着慢郎中，前面嘅女郎因為條裙太窄，抬唔起隻腳踏步上車，佢左腳試完又到右腳，都係唔得，於是佢就偷偷地伸手到後面解開一粒鈕，但係條裙依然好窄，跟住，佢又伸手解開第二粒鈕。肥浩見女郎久久未能上車，排後面嘅人群已不停鼓譟，於是佢就幫手為女郎解開一粒鈕。解開之後，女郎立即擰轉頭大鬧肥浩：「下流！賤格！」肥浩嬲到即時反駁：「混你個帳！你伸手解咗我條褲兩粒鈕，搞到我硬晒軚，我都未出聲呀小姐！」