長頸女我行我素
頸長嘅女性，如果配合修長高挑嘅身材，就會格外標致動人。而且相書話頸長嘅女性，大多數都好自我，做事我行我素，唔會同自己唔喜歡嘅人合作，一旦不合心意，轉頭就走！
坊間好多名模都有咁嘅性格，特別係當佢哋成名之後，拍輯廣告硬照又要揀自己嘅攝影師、化妝師，否則拍得唔靚就大發雷霆，所以一定要當佢哋係小朋友咁氹，如果係自己女朋友，明顯就係患有嚴重嘅公主病。
長頸女話一，男朋友絕對唔可以話二，但係男友又不能冇主見，因為佢哋亦係冇主見嘅人，你要諗好啲主意畀佢揀。拍拖都咁煩，上床則仲煩，所以大家一定要有默契，上得床就要專心親熱，就算決定同居，都係分房瞓好啲，否則一定嗌交多過談心。
