世界波：瞓身肉搏 剝入荷里活

好多女仔都發明星夢，好似Cheyenne Silver就係其中之一，佢細個發開口夢都話要當荷里活明星，結果大個之後，佢加入咗四仔荷里活當脫星，總算達成半個夢想。

雖然Cheyenne喺四仔界發展順利，更得到好多粉絲支持，甚至成為一眾麻甩佬嘅偶像，不過佢始終放唔低兒時嘅夢想，成日都希望成為荷里活巨星，受到萬人景仰喎！

向目標進發

其實阿妹嘅夢想已經達成咗一半喇！家陣佢喺四仔界薄有名氣，有好多粉絲愛戴，仲成立影迷會，有咁好成績，都算係四仔界明星喇！好多同行姊妹拍過幾套四仔後都冇人識，付出嘅努力全部白費，咁咪仲慘！

Cheyenne話：「咁又唔同嘅！影迷當我係偶像，係因為我副Body正，我希望將來有一日可以唔使靠賣弄身材，而係以演技嚟吸引影迷，咁就最理想喇！雖然呢個目標仲係好遙遠，但係我會朝住呢個目標進發，咁至生活得有意義o架嘛！」

減產揀戲拍

其實Cheyenne誤會咗影迷喇！男人睇四仔，除咗睇脫星嘅身材之外，仲會欣賞埋佢哋嘅演技，實在唔少粉絲都讚阿妹唔錫身、演出落力，阿妹太鑽牛角尖喇！佢話：「我唔會理人哋點睇，好多人都話我係傻瓜，又笑我癡人說夢話，邊有四仔脫星可以去到荷里活發展吖！我就係唔信，依家我已經準備拍少啲四仔，總之收入夠生活就得，仲會報讀戲劇課程。另外，我會揀戲拍，就算四仔都要拍啲有質素嘅，唔會濫拍o架！」

Cheyenne Silver's Profile

三圍：34B-24-34

身高：5呎7吋

年齡：27歲