耳仔細o趙完鬆
耳仔代表嬰兒到少年嘅運勢，如果男人隻耳仔生得好細隻，咁代表佢細個時經常遭到挫折，可能父母出現離異或者經常搬屋，而長大後，就會表現得冇嚟大志，唔會或者唔敢計劃未來，做人處事上，只會做一日和尚、敲一日鐘！
喺感情上亦都一樣，由於唔敢計劃未來，所以只顧眼前，好多所謂浪子嘅朋友，佢哋嘅耳仔都係生得比較細小。坦白講跟浪漫冇任何關係，只係佢哋唔敢為未來負責，所以男朋友嘅耳仔生得細細隻，想同佢哋結婚，真係唔使諗！
喺性事上佢哋比較積極進取，因為佢哋只顧當下，為咗氹囡囡上床，佢哋可以為對方做任何事，承諾任何嘢，所以囡囡同佢哋上床，一定會覺得好浪漫，但當要佢哋實踐承諾時，通常都會敷衍過去，甚至玩失蹤一走了之！