世界波：人肉發電機同性三分親
男人成日話女人電佢，實情好多時係自己表錯情，不過又唔怪得晒佢哋嘅，有啲女人真係好鍾意放電，好似Charlie Laine就係四仔界嘅人肉發電機，佢雙電眼無時停，見人就電，好多男人都中招，以為佢撩開波，點知一場誤會瘀到痹！
阿妹自細已經畀人話係電眼美人，事關佢雙眼時刻都放電，但唔一定代表佢發姣，皆因佢平時食飯傾偈都一樣照放，搞到身邊啲男人畀佢電到暈陀陀，成日會錯意，皆因阿妹唔鍾意男人，放電只不過係習慣，真係大整蠱！
出街(目及)女
Charlie原來唔鍾意男人，拍四仔都好少同男優做對手戲，不過佢從來無公開過自己嘅性取向，所以好多男影迷都仍然唔信佢係「Les」嘅，事關四仔界好多豆腐天后都係假扮，私底下一樣發男人姣！
阿妹話：「我知道好多脫星都係為咗拍豆腐片而扮同志，不過我唔係扮！我真係鍾意女人多過男人，雖然我都有同過男人拍拖，不過唔知點解，對女人有性趣好多，平時出街一定係(目及)女多過(目及)仔，所以我知道自己想同女人一齊多啲囉！」
難覓對象
不過，Charlie話寧願自己鍾意男人，因為好多女人都唔過電，反而男人就容易得多，有時佢都會好洩氣，因為喺男人眼中，佢係電眼美人，但女人就認為佢太姣，無乜好感。
佢話：「我都知自己對眼累事，但無辦法，鬼叫阿媽生得我對眼咁姣，我都唔想o架！如果我鍾意男人就完全無問題，最慘係我鍾意女人，咪出事囉！啲女人話我鬼咁姣，唔信我鍾意女人，仲話我玩嘢，所以到依家我都未有一位親密同性好友。」
作品推介
碟名：《Girlvana》
內容：呢套係有好多靚女睇嘅四仔群戲，Charlie雖然只係佔好少戲份，但係佢拍得好開心，同片中所有對手都搞得好投入、好刺激。
Charlie Laine's Profile
年齡：24歲
身高：5呎4吋
三圍：32B-23-34