奇聞趣事：老字號夜場拉閘

提起大型嘅日式夜總會，唔少朋友都充滿記憶，隨住年月改變，日式夜總會逐漸式微，執吓一間又一間，玩家們只能喺記憶中緬懷過去。最近收到風，位於灣仔嘅一間老字號夜場，亦會喺農曆新年前拉閘，唔知佢係執笠定係內部裝修，總之落晒閘，熄晒燈。無論點都好，對玩家們嚟講，又少咗一個夜遊「性」地。據熟客滿哥講，喺幾年前夜場大老闆曾經斥巨資進行大裝修，換成家陣嘅前衞設計，打算再戰江湖，而且仲搵嚟夜場猛人坐鎮，曾經威咗一段日子。但由於大老闆年紀老邁，於是交畀第二代接手，但佢哋同管理層出現意見分歧，最後夜場猛人拉隊離開，自此夜場生意一落千丈，最後蝕到入肉，大老闆焗住喊停落閘。所以，搞日式夜總會嘅人才真係好重要，但好嘅人才，已經買少見少。

皮哥簡介

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk