接吻打動芳心

以小弟多年來夜蒲玩樂經歷嚟講，有一件事令小弟依然歷歷在目。話說當晚我同幾個舊同學一齊唱K，其中有一位外表斯文、內裏Open嘅女同學。由於當時小弟係怕醜仔一名，所以引起女同學注意，更不時向我放生電，及後佢仲主動放隻手喺我大髀。其他舊同學見到更加推波助瀾，捉住我手腳，然後任由女同學奪去我嘅初吻！呢個畫面至今仍然經常喺我腦海中浮現。

記憶深刻

一名叫Sheril Kirshenbaum嘅女科學家早前推出一本研究接吻嘅書籍，名為《The Science of Kissing： What Our Lips Are Telling Us》，書中提及到女科學家就接吻進行過調查，發現參與調查嘅男女當中有90%對初吻嘅記憶較初夜更為深刻。另外，總結研究，得出男人認為接吻代表「開始與終結」，而女人則認為「能夠凸顯彼此關係，同時幫助溝通」，可見接吻對於打動女士芳心甚有幫助。除此之外，女科學家表示男人能夠透過接吻，將體內嘅睾丸素傳送到女方體內，而長時間嘅接吻就可以令睾丸素留於女方體內更久，令女方愈嚟愈冧男方o架！