做幾次？
喺一架飛機度，一個香港人、一個法國人同埋一個美國人咁啱坐埋一齊。大家見仲要飛成幾個鐘先至去到目的地，於是就傾起偈嚟，話題從工作慢慢講到去同老婆嘅性生活。
香港人好驕傲咁話：「尋晚我同老婆喺床上連續狂歡咗3次，今朝早佢特登煮咗個豐富嘅早餐畀我食，仲話好愛我添！我老婆以前嬌生慣養，家陣畀我用性愛馴服到好似賢妻良母咁，係咪勁先？」法國人聞言，就不甘示弱話：「尋晚我同老婆曳曳咗5次，佢不知幾咁滿足。今朝早佢仲特登提早起身，煮定咖啡同焗埋麵包畀我做早餐，佢仲話自己好幸福，要同我一生一世添！」法國人講完之後，就同香港人齊齊望住美國人，點知佢卻粒聲都唔出。
香港人忍唔住問佢：「你尋晚同老婆做咗幾次呀？」美國人話：「一次咋！」法國人忍住笑問：「你大鑊喇！咁佢今朝早點講呀？」美國人苦笑道：「真係好大鑊，因為佢成晚都係咁叫我『Don't Stop！』今朝幾辛苦先可以拉開佢起身換衫呀！」