舌有川紋性慾減退
大部分人伸條脷出嚟，只會見到一條紋，但如果你發現喺主紋兩旁都有一條直紋呈一個川字，如果係男性嘅，咁代表你呢段時間正全力衝刺，有大生意或者重要工作正在進行中，只要小心努力，就會取得成功，但要小心身體變化，引發病變。
出現川字脷紋，一般唔會持久，只會喺心理承受極大壓力下才出現，如果只係工作壓力，當工作完畢後就會消退，但如果長時間呈現川字，就要睇睇心理醫生，尋求協助。
呢段時間由於心理壓力極重，喺情感上需要對方更大嘅支持，如果女朋友不知進退，令壓力加大，咁只會分手收場，所以當發現男朋友條脷出現川字紋，記緊唔好畀壓力對方，只要喺身邊默默支持就可以。而喺性事上亦會因為壓力而失去興趣，甚至令性功能減退，但無需擔心，只要對症下藥，解除壓力，自會不藥而愈！