奇聞趣事：拳手兼職賣肉

銅鑼灣有好多上樓酒吧，當中有清吧、有公關小姐招呼嘅色情酒吧，而最多嘅係有拳手嘅酒吧。前兩晚我就同成班朋友上咗去其中一間酒吧，發現千零平方呎地方，只擺放10張枱，場內清一色女侍應，個個青春少艾，但原來佢哋亦係拳手，只要客人柯打半打啤酒，佢哋就會坐低同客人猜枚飲酒。據講如果生意唔係咁旺，一枱客都可以叫晒全部拳手嚟玩，相反生意好嘅話，每枱客分到一個囡囡都唔錯。當我哋玩到凌晨四點左右，其中一個朋友相約幾個囡囡收工後繼續去玩，之後成班人就轉戰到另一酒吧，期間個朋友同一個囡囡失蹤咗一段時間，原來佢哋雙雙出去短敍。事後朋友就話間酒吧啲拳手都可以有下文，肉價面議。估唔到呢班拳手原來係掛羊頭買狗肉呀！

皮哥簡介

線眼遍布港九新界，有料就去八，有蠱惑收王之稱，人生目標係八盡天下事。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk