成年人玩氣球　搶．揸．夾．坐

細個嗰陣好鍾意玩氣球，以為人大咗對氣球再冇興趣啦，但估唔到日本竟然有唔少成年人見到氣球仲開心過啲細路，仲將佢哋當成情趣玩具，同囡囡用佢嚟大玩夾波、揼波、踩波同揸爆波等遊戲，要幾色情有幾色情！

呢間位於日本池袋嘅「風船風俗店」，向來以氣球玩法作招徠。所謂「風船」其實係日文嚟嘅，意思即係氣球咁解。可能有人覺得，氣球冇乜好玩，倒不如同風俗孃上床曳曳好過！但實情喺交歡過程中，氣球可以好好利用嚟玩前戲。

簡單過癮

呢間風船風俗店嘅特色，就係裏面嘅房間內，會擺滿各式各樣嘅氣球，等玩家入去玩餐飽。據風俗店嘅負責人解釋，佢哋之所以諗到開設呢間咁與別不同嘅風俗店，原來源自一次遊樂場經歷。

當時負責人同女友去到遊樂場，發覺有個可以玩揸爆氣球嘅攤檔非常旺場，檔主表示，啲客人透過揸爆氣球，可以釋放出負面情緒同壓力，佢靈機一觸，就開設咗呢間風俗店，既可以讓玩家喺玩氣球嘅過程中，釋放生活及工作壓力，二來又可以讓客人同風俗孃利用氣球大玩各式猥褻玩意，兼夾洩慾偷香，可謂一舉兩得！

款式眾多

唔好以為玩氣球係小朋友嘅專利，查實呢種「小學雞」玩具，不知風靡幾多人，當中年過四十嘅麻甩玩家佔總數七成以上。有性學家認為，呢種玩法之所以深受中年玩家支持，皆因夠簡單，又有相當嘅樂趣，尤其係對中年男士嚟講，既容易掌握又覺得刺激，故此廣受日本玩家喜愛。

為咗能夠畀到玩家更多嘅刺激感覺，呢間風俗店更特登搵嚟專人，度身訂造各式各樣嘅氣球，從長條形到心形、從極細到兩米直徑咁大嘅都有齊，唔知嘅仲以為去咗遊樂場添！

玩家入到去後，除咗可以揀選心水氣球外，梗係唔少得揀番個心水拍乸啦！揀完拍乸後，玩家就可以齊齊入房，享受玩弄氣球嘅樂趣。

玩法特別

玩家喺房度，唔單止可以玩揸爆氣球，仲可以同風俗孃大玩各種色慾遊戲，好似搶氣球、夾氣球、坐氣球等，乜都有得玩。當然，玩家如果想玩得更加過癮嘅話，最好梗係搵多幾個拍乸啦！

為咗方便玩家玩大雜燴，呢度嘅房間有大、中、細之分，細嘅方便玩家玩二人單打，大嘅房間則最多可以容納20人，男女各分10人，喺房間內大玩踩爆波，本來已經夠開心。玩到情慾高漲時，20個人喺房度玩大雜燴，場面唔單止夠墟冚，氣氛仲相當淫亂添！唔怪之得呢間風俗店嘅負責人表示，大房早喺一個月前已經爆滿，家陣嘅預約仲排到一個月後，真係唔講得笑！