o架仔冇興趣性愛

由於工作關係，小弟每日都要欣賞日本AV，平均一日兩至三套，一年就閒閒哋睇幾百套，但係呢個數目只係屬於日本AV作品數量嘅冰山一角，因為日本AV年產量近萬套。所謂有供必有求，日本拍得出咁多AV，梗係o架仔對性愛有濃烈興趣啦！然而，事實上又唔係咁喎！

成年冇約會

早前日本有調查發現，喺受訪嘅1,301位年齡介乎16至19歲嘅後生仔當中，有36.1%表示對做愛冇興趣，比起2008年嘅相同調查，比率高出一倍！至於拍拖，呢班後生仔亦同樣冇興趣，當中有高達83.7%受訪者表示，一年內冇約會過女性，而49.3%則表示從來未交過女朋友。對於呢個現象，有專家解釋，班後仔生對性愛冇興趣，係因為覺得組織家庭會破壞個人經濟、生活習慣以及事業，由於有呢啲諗法，所以佢哋唔會主動同異性溝通，更近乎冇性慾可言。

睇到呢個調查結果，小弟真係又驚又喜，因為呢班o架仔對性愛冇興趣，擔心日本AV片商見市場萎縮，自然會減產，令我哋少咗眼福。而喜嘅係，呢班後生仔唔去溝女，自然有好多日本妹冇男朋友，咁我哋咪多咗機會溝o架妹囉！