粗短頸暗戀一生
有啲囡囡生得比較矮，本來都唔係太大問題，但佢哋條頸仲要又短又粗，咁就變得好難睇。而喺相學上，原來囡囡條頸又短又粗，就代表佢哋好捱得，一個人可以做三個人嘅工作，而且任勞任怨，所以深受老闆嘅賞識，升職嘅機會都大啲。但遇着喜歡以貌取人嘅老闆，咁就冇乜着數，佢哋會先升靚女，但同時亦會想辦法動之以情，希望你繼續留低幫佢手。
一般情況，短頸囡囡都會好易畀老闆氹掂，亦加上本身條件關係，所以佢哋好多時都會暗戀老闆或者上司而甘願替佢哋賣命。由於只有暗戀，加上長時間為公司賣命，所以好多時都會錯失戀愛嘅機會，人到中年之後，仲想成家嘅，就會勉強撮合，人有我有；而如果唔想成家嘅，就會繼續工作，做老姑婆，一生不婚不嫁，所以到咗晚年，大多數都比較孤獨，無兒無女。