法令斷開客死異鄉
女性30歲後，嘴邊出現法令紋，本來係好事，代表說話有說服力，得人尊重，但要小心留意，法令千祈咪斷開，否則表示身體會出現毛病，特別係一啲遺傳病。如果發現法令突然斷開，就要馬上睇醫生，做詳細身體檢查。
如果人在異鄉，發現法令斷開，就要小心當地會有天災人禍，可以嘅話馬上回國，免得客死異鄉。至於感情方面，就代表感情可能出現問題，最常見係會出現第三者，但未必係另一半出錯，亦有可能係你自己行差踏錯，總之法令突然斷開就問題多多。
性事方面，會出現兩個極端，一就係由於身體出毛病所以影響心情，房事變得淡而無味，另一種情況就係出現新戀情，自己陷於性慾嘅漩渦當中，兩樣嘢都唔係咁好，所以法令出現斷紋真係要小心喇！