過年前搏一鋪

早陣子上東莞，各大骨場仍然是前門關着，只開後門做生意，早兩天上去，大多數都可以開門營業了，聽業內人士說，由於要追回早前的「損失」，也希望趕在農曆年前賺點錢好回鄉，所以這段時間，大家都會拚盡了。

「係啦，呢次上嚟又收番嗰啲釣客嘅短訊，仲幾露骨添。」同行友人說的「短訊」，就是早前惹起過風波，據說因為周圍亂發而引來掃蕩的淫亂SMS。「唔怕再出事咩？」「佢哋要搵錢，就無所不用其極o架啦！」這是我的意見。

「聖誕、元旦呢邊好多場都會搞活動，除咗抽吓獎、搞吓氣氛，有啲場仲加入好多服務，早兩日同樟木頭一個經理人傾，佢話公司入咗批皮衫、皮褲、皮鞭，仲話玩埋爆炸糖，咁搏，無非都係想喺過年前搵番筆啫。」友人算是東莞通，他這方面的資料，可信性好高。

至於深圳，這陣子算是難得的太平盛世，很多久未有音訊的夜場朋友也再出來了，不過都是打聽性質居多：「好靜呀，但呢期唔搏唔得，有冇其他場做緊廣告呀？」有是有，只是今非昔比，要回到那些好日子，真的不會是件容易事。