潤滑劑增樂趣

黃金寶都有話，欠缺潤滑嘅關節就好似缺乏潤滑嘅齒輪，同樣無法運作順暢。的確，生活上有好多嘢都需要潤滑劑，例如進食，如果冇口水潤滑，就一定會骾死！仲有，進行男女之歡，更加需要潤滑劑嚟減低摩擦，最好就梗係有女性嘅天然分泌作潤滑劑啦！坊間亦有好多潤滑劑供選擇，除咗有不同香味外，有啲仲有熱感功能，進進出出嘅時候特別火辣辣。

自娛好幫手

根據美國印第安納大學嘅網上調查發現，從2,453個年齡介乎18至65歲嘅女性受訪者當中，有70%表示會使用潤滑劑令交歡過程更愉快，亦有60%嘅受訪者表示，自娛嘅時候會用潤滑劑增加興奮感覺。另外，亦有接近50%嘅女性話，進行前奏時，會將潤滑劑直接倒落男方雙手。雖然家陣好多安全套都附有潤滑功能，但係點都唔及使用潤滑劑效果咁好！不過，提醒大家，好多人都會以按摩油嚟代替潤滑劑，但係安全套呢類乳膠產品遇到油就會變薄，容易破穿，所以大家記住必須要配合水劑或矽質嘅潤滑劑，費事搞出人命啦！