美女營養師 森崎友紀
擁有35吋上圍、22吋腰圍嘅美女，相信冇乜人會唔鍾意，最近就有一個葫蘆身材嘅美女推出寫真DVD，呢位大美人就係日本人氣最盛嘅美女營養師森崎友紀。
經常上電視節目同雜誌訪問嘅佢，為咗證明自己嘅營養餐單使得，上親節目除咗賣力仲賣肉，特別係夏天，經常不經意露半球，令粉絲們流晒鼻血，有見及此，佢索性自己出番本寫真集嚟搵真銀。
寫真集將會於稍後推出，而森崎友紀就先行推出DVD嚟打頭陣，內容係拍攝寫真時嘅花絮，亦即係預告片，但當中已經有唔少令人噴血嘅性感鏡頭，令粉絲們大叫厲害。雖然全程都冇露點，但對於正職係營養師嘅佢嚟講，尺度已經好大o架喇！
價錢¥3,999（約HK$370）