商務公寓色慾親善大使

一支公去外地出差，孤家寡人本嚟已經好慘，仲要喺外地留足幾個月嘅話，就更加可憐。如果我係老闆，我會畀員工入住呢間位於日本大阪嘅商務公寓，等一班樣靚身材正嘅「公寓親務員」幫佢哋解決一切起居疑難，連生理需要都可以解決o架！

呢間位於大阪嘅高級商務公寓，環境同服務都有四星級標準，雖然未算係一流，但唔少人就算提早三個禮拜預約，都未必有房供應，佢哋要嚟呢間公寓度住，目的只係想一親索爆親務員嘅香澤。

服務升呢

如果大家唔係「色」途老馬嘅話，單從公寓嘅外觀嚟睇，絕對唔會為意呢度竟然有咁貼心嘅色慾服務提供。據有關方面解釋，其實呢間公寓建成之初，本嚟只係專為玩家而設嘅時鐘公寓，而為咗方便玩家揀女曳曳，公寓更提供埋風俗服務，等玩家可以留喺公寓度揀女，順便洩慾偷香。點知由於公寓環境好，風俗孃招呼又周到，有啲經常嚟大阪出差嘅玩家，索性長租一個單位，漸漸形成一個玩家集中營。

其後公寓索性幫自己「升呢」，大事裝修，升呢為四星級商務公寓之餘，卻仍然保留有關嘅風俗服務。不過話晒家陣都係四星級公寓，梗係唔再玩番以前嘅低檔風俗孃啦！於是公寓就幫風俗孃重新包裝，改稱佢哋為「公寓親務員」，不但保留以前嘅色慾服務，仲兼任埋玩家嘅管家，等玩家玩得開心，住得又放心。

索爆管家

風俗孃升格咗做管家，質素當然嚟個三級跳，樣貌同身材都飲得杯落！原來呢間公寓為咗省靚個招牌，於是對應徵嘅風俗孃進行嚴格挑選，身高要有165厘米或以上，三圍數字夠標青之餘，仲要接受各種培訓，先至可以為玩家提供服務。

有喺呢間公寓任職親務員嘅風俗孃表示，當初同佢一齊入嚟應徵嘅女仔，有成90幾人，但係經過外形篩選，同埋為期兩個禮拜嘅培訓後，剩低嘅只有20幾人，足見篩選過程幾咁嚴格！據講當中嘅培訓課程，除咗有家務訓練、化妝課程、儀態課程之餘，仲有語文培訓，當中包括英語、普通話、法文等，務求令風俗孃除咗床技出色外，仲能勝任管家嘅工作，成為一個出得廳堂、上得睡床嘅一級風俗孃！

照顧周到

有曾經去過呢間商務公寓住咗兩個月嘅玩家表示，所有入住公寓嘅玩家都可以揀選心水嘅靚女親務員。喺入住嘅時間內，呢位親務員就會全天候服侍玩家，從佢放工返到公寓一刻起，就會為佢安排一切，包括預備晚餐到校水沖涼，都會為佢打點妥當。

不過最令呢位玩家覺得滿意嘅地方，在於親務員嘅床技出乎意料之外咁超卓，除咗外形夠索外，任何花式都難佢唔倒，真係愈玩愈過癮！若然入住時間長，玩家想換吓新口味，搵過第二個親務員服侍又得，最重要係唔使另外加錢，呢種做法相當體貼。

呢間公寓咁正，收費當然一啲都唔平，每日住宿費就要成¥15,000，約為HK$1,350，而親務員每日嘅服務費，則係¥40,000，折合約為HK$3,700，加埋要成HK$5,000一日，真係勁乸脷！