自娛可紓緩壓力

每當小弟精神不佳，一臉倦容嘅時候，朋友就一定會話：「尋晚梗係邊睇AV邊自娛嚟啦！唔好玩咁多，好傷身o架！」事實上，我只不過係煲日劇而搞到唔夠瞓啫！不過，冇計啦！我未結婚又冇女朋友，難怪朋友誤會我成日食自己嘅。正所謂「有老婆溫大髀，邊個想食自己！」有女伴喺身邊，可以自己落力抽送，亦可以叫對方幫手解決慾火，梗係唔想再靠自己搞掂啦！不過，事實上有唔少男女結咗婚或者有同居伴侶，亦喜歡自娛一番喎！

增進感情

美國Adam & Eve情趣用品銷售網站，早前進行問卷調查，訪問咗1,000個非單身人士，以了解佢哋平日嘅性生活，結果發現有18%受訪者一個月至少自娛兩至三次，17%表示好少自娛，14%表示唔會自娛。之不過，最令人驚訝嘅係，有超過20%嘅受訪者話日日都會自娛，呢個結果顯示唔少人性慾強同身體強壯。

據性學及兩性關係專家Kat Van Kirk指出，其實自娛相當健康，有助紓緩壓力，兼且加強免疫系統運作，對身體有好處，可以稱得上係良好嘅防止老化方法。另外，佢仲話自娛有助增進男女感情，點解？因為男人可以自己解決慾火，就唔會成日纏住伴侶要曳曳，可以花多啲時間搞吓浪漫花臣，感情自然一日千里啦！