牛麵店
肥浩早前從朋友口中得知新界有一間麵店嘅牛肉麵特別出色，於是就膽粗粗去試吓，發覺啲牛肉好有牛肉味，唔似一般餐廳嘅牛肉咁醃到只得梳打粉味！而且幼麵嘅麵質仲相當彈牙，絕對有質素！
不過，食咗幾日之後，肥浩開始對牛肉麵失去興趣！於是打開餐牌，睇吓有咩更啱食。睇完之後，肥浩就對從未試過嘅牛波子麵有興趣！不過，為免畀人發現而感到尷尬，於是佢就靜靜哋向伙記招手，細細聲同佢講：「牛波子麵一碗，靜靜雞放喺我枱面得喇唔該。」伙記收到之後，轉頭就向煮麵師傅大叫：「5號枱，牛波子麵一碗！」緊張到「標」晒冷汗嘅肥浩，即刻同伙記話：「殊……殊……」示意佢細聲啲，唔好咁張揚。點知伙記會錯意，又同師傅話：「唔好意思！更正番，5號枱個客話想要隻牛『殊殊』嗰度配麵呀！」煮麵師傅又大聲叫：「收到！5號枱牛鞭麵一碗！」