天使惡魔混合體Dizzy
用天使嘅樣貌同魔鬼嘅身材嚟形容今次介紹嘅手辦模型，就最貼切不過，事關呢個嚟自日本人氣電玩《Guilty Gear X》嘅女主角Dizzy，唔止擁有出眾嘅樣貌同身材，更擁有呼喚天使同惡魔嘅「法力」，名副其實係天使與惡魔嘅混合體！
性感養眼
《Guilty Gear X》係《Guilty Gear》系列嘅其中一個作品，故事講述Gear嘅首領Justice死後，Dizzy就取代Justice成為新一代首領。本身係人類同Gear混合體嘅佢，擁有召喚天使同惡魔嘅法力，除咗戰鬥力極強外，身材更係一等一，一對激凸嘅大包，相當養眼，其性感嘅扮相更係誘人！
今次呢個手辦模型，不但充分將Dizzy嘅魅力充分展現，心口一對大包，更有呼之欲出嘅壓迫感！此外，佢身後一對天使同惡魔造型，更係栩栩如生，令模型嘅觀賞性大為提升！