愈劈愈低
近幾個月，澳門街的夜總會業的確是風起雲湧，新場開張，掀起了減價潮，真的已經很長很長一段時間沒有嘗過$400不到買到張茶舞套票、$1,400樓下跳到子夜舞（房間可過夜）的滋味，我身邊不少朋友也紛紛出動，連早就轉台北上的，也來個浪子回頭，過馬交重溫舊夢去。
「其實來回船飛都成$300啦，張茶舞套票點賺到返嚟呢？」「嗰間酒店一晚收成$2,000，依家$1,400仲可以攬埋女，人一世物一世，梗係要試吓。」這是早陣子我聽得最多的說話。
上個月，另一家豪場開張，更將這次的減價再推前一步，茶舞啊，$300不到已經玩到，當然，在今日夜遊資訊高度透明化的情況下，這個價錢不會假，也是包你來回船票、枱鐘、街鐘、酒店短房，賺得回來嗎？作為消費者，以上問題其實不必問，不過作為業界一分子，我真的有興趣知道。
「又未至於賺唔到嘅，不過係好辛苦，而且客量要夠大先得，而且將來點加番一個合理水位，亦係一個考量，畢竟消費者已經習慣咗咁嘅價格。」一位行中人這樣說。生意，從來就不會易做。