爆乳女忍者霞

格鬥電玩出現以嚟，一直深受電玩迷嘅熱愛，尤其係隨住遊戲機機能不斷加強，不論聲畫、動作流暢度同機能反應，更係有極大嘅進步。今次介紹嘅呢個首辦模型，就係當年喺Xbox 360推出嘅經典格鬥遊戲《Dead or Alive》（港譯：生死格鬥）中嘅女主角爆乳忍者霞！

故事講述作為霧幻天神流天神門、第18代頭領嘅霞為咗尋找佢嘅親生大佬疾風，於是參加「生死格鬥」，並喺格鬥大會中展露出天神流忍術嘅威力。點知佢搵唔到疾風之餘，仲畀人捉咗去做實驗。醒番之後成功逃脫，但為咗繼續尋找疾風，佢再次參加第二次「生死格鬥」，並成功搵到親生大佬，點知又面對大群追殺者……雖然故事離唔開尋找疾風呢個主題，但隨住作品不斷有續集推出，霞嘅戰鬥力不斷提升。高超嘅格鬥技，令佢成為作品中嘅女武神！

輕咬衫帶輕掀長裙

當年推出呢個遊戲時，以做到令男性電玩迷流晒鼻血嘅乳搖效果作為招徠，故此遊戲中嘅女角色，個個對車頭燈都勁激凸，而作為女主角嘅霞當然唔例外，一對大包極有分量，絕對係電玩迷嘅焦點所在！呢個模型不但將霞玲瓏浮凸嘅雙峰展露無遺，而輕咬衫帶加輕掀長裙嘅動作，更令模型嘅誘惑大為提升，配合埋佢一對修長美腿，唔知大家有冇睇到血脈沸騰呢？

高度：約220mm

售價：$8,190（約HK$760）

發售日期：2011年4月（暫定）