唔係發夢同G奶女神鴛鴦浴

相對於日本AV女優，水着女優雖然三點不露，但樣貌之美、身材之好，仍深深吸引大家嘅眼球！就好似近期紅到爆燈嘅G奶女神杉原杏璃咁，又係童顏巨乳嘅最佳例子。最近佢仲同另外兩位G奶女神合作，邀請男人公開玩鴛鴦浴添！

日本水着女優質素極高，有好多上圍仲非常勁爆，就以小弟我最愛嘅水着女優井上和香為例，5呎6吋身高，配合36F-24-35三圍，一張酷似安祖蓮娜祖莉嘅厚唇仲誘惑到不得了！不過，所謂造物弄人，小弟既唔係生於日本，亦唔係錢多到使唔晒嘅富二代，試問邊有機會同水着女優接觸呢？惟有呆望佢哋嘅寫真集，幻想一下同佢哋互相擁抱、交換體溫啦！

然而，正如涉貪嘅飯局主持都可以重返電視台，世事往往真係奇到你唔信！作為一個普通麻甩仔，原來都有同頂級水着女神混浴嘅機會o架！

品牌大賞

一個國際知名嘅男士護理用品品牌，於8月時在日本推出新產品，反應熱烈，發售僅僅兩個多月，銷量已經衝破一百萬！為咗慶祝咁強勁嘅銷售額，以及向支持者表示謝意，品牌就決定推出一個史無前例，令男士們震驚兼興奮嘅夢幻大抽獎！

點解咁講？因為活動嘅頭獎，正係可以同當今日本水着界最當打、最具人氣，兼且索到啪啪聲嘅三大G奶女神：杉原杏璃、小泉麻耶及森下悠里，一齊進行夢幻鴛鴦浴！三位女神早前受品牌邀請，並答應將同自己共浴嘅權利作為頭獎獎品，令幸運兒能夠享受有今生冇來世嘅夢幻混浴體驗！

上星期，三位G奶女神仲親身去到東京池袋一個溫泉入面進行宣傳！當日，佢哋先以泳裝上陣大騷G奶同白滑肌膚，再剝光豬僅以毛巾包住身體做採訪，令現場氣氛升到頂點！

駅前出浴

呢個超級大抽獎命名為「年末巨型風呂」，三位G奶女神親自簽發抽獎券，並會到東京、北海道、福岡、大阪、名古屋等五個地方嘅指定地點作街頭公開派發！

派發日期至本月27日，大家買機票飛過去都仲趕得切。不過其實只要登入品牌嘅網頁，加入是次活動都一樣可以參加抽獎，但只限頭1,000名人士！頭獎固然吸引，不過二獎亦有價值¥50,000嘅旅行禮券。

其實早於9月中，呢個品牌已經開始搵知名嘅水着女優幫手做宣傳，當時就搵咗10名女優去到新宿嘅火車站前面同市民見面，班水着妹除咗以水着示人外，仲即場於繁忙嘅車站外公開出浴，搞到各位男士睇到眼都凸，鼻血亦同時不斷流出。

如果產品銷量持續高企，品牌一定會食髓知味，再搞多幾次水着女優活動嚟催谷銷量啫，敬請留意小弟嘅緊貼報道喇！