焗住扮高潮
焗住扮高潮
男人同女人嘅生理構造有好大分別,所以响性愛中享受到高潮嘅機會亦有所分別,簡單嚟講,男人只要出盡全力,好容易就達到高潮,至於女人,好可惜,可能一世都唔知高潮嘅感覺係點!當然,有人睇過日本男優之神加藤鷹嘅教學影片之後,學得少少「加藤鷹之手」嘅皮毛,就拍晒心口話:「等我搵出女方嘅G點,再用加藤鷹之手對付佢啦!」好對唔住,仲有好多學者研究緊G點到底係咪真正存在,亦有學者話就算G點存在,亦唔係個個女人都有!然而,醒目嘅女人都知道高潮難得,為咗令伴侶有番多少面子,往往會假扮高潮,並以「好High呀」、「後日、大後日都仲High緊呀!」等謊言加以安慰!不過,女士們又唔好以為只得你哋先咁偉大,男人一樣會扮高潮o架!
趕急收工
美國一個叫Salon.com嘅網站,最近就訪問咗大約200人,當中25%嘅男人表示曾經扮過高潮!點解?原因好多都係迫於無奈!其中一名受訪者表示,自己飲大咗,細佬感覺遲緩,所以做極都冇辦法「衝上雲霄」,為免大家繼續難受,惟有扮高潮,然後倒頭大睡!另外亦有人表示,伴侶逼佢做足安全措施,而自己戴上安全套後感覺唔多舒服,所以交歡一陣之後就扮高潮,然後緊急抽離,再靠自己雙手搞掂!真係聞者傷心!嗚嗚嗚……