骨美人王曉兒

內地車展嘅規模愈來愈大，足以媲美外國，就連車模嘅數目都比人哋多出數倍，都咪話唔犀利！點解無端端咁講？事關早前睇過成都車展，發現場內嘅車模非常高質，當中有一位索女更相當熟口面，諗真啲先記起，原來佢就係呢期喺內地網絡相當具人氣嘅王曉兒。

身形Fit爆

王曉兒今年23歲，加入模界已有2年，憑着出色嘅表現令佢成為業界炙手可熱嘅模特兒，而且喺內地網絡亦非常受網友歡迎，皆因索女擁有一副超索身材，雖然上圍比較細，只得33B，但經過承托之後，望落都好有睇頭。

王曉兒擁有5呎9吋身高，一對43吋長腿，睇落皮光肉滑，配合佢24吋嘅腰圍，以及圓潤又夠翹嘅美臀，着起貼身褲時，美好身形更加突出，可謂無懈可擊，難怪有網民稱呼佢做天下男士嘅終極對象啦！

王曉兒演出經驗豐富，唔少國際性大型時裝騷都能夠見到佢嘅蹤影，更係世界性車展嘅常客添！此外，佢亦曾為多本時尚雜誌拍攝封面及寫真，於業界嘅知名度甚高。

據了解，雖然佢暫時以模特兒工作為主，但遲吓將會進軍娛圈發展。佢仲話自己好鍾意演戲，希望日後成為大明星。以佢嘅質素，如果喺演技方面加以鍛煉，應該都可以夢想成真嘅。

年齡：23歲

身高：5呎9吋

三圍：33B-24-35