巨乳弓箭士吳羽冬華

出色嘅角色扮演電玩，除咗講求有豐富嘅遊戲性外，獨特嘅人物同故事設定亦不可少，好似經典人氣電玩《Shining》系列就係代表作。以下呢個金髮美乳弓箭士吳羽冬華，就係《Shining》系列其中一個作品《Shining Wind》中嘅女主角之一。

故事講述夢幻大陸恩迪亞斯上，有個名為「貝利亞」嘅地方，由三個唔同種族所佔據，分別係人類、獸人同妖精。呢片和平土地，因「混沌之門」打開，同異世界接觸，以致面臨被毀滅嘅危險。於是一眾擁有關閉「混沌之門」能力嘅心劍士，就肩負起拯救貝利亞嘅使命。而吳羽冬華就係嚟自異世界嘅弓箭士，由於外形討好，因而大受粉絲歡迎。

升Cup更吸引

呢個吳羽冬華模型不論樣貌及造型，都同遊戲中嘅設定一模一樣，當中唯一唔同嘅，就係對車頭燈大咗。喺遊戲中冬華只得一對吸手波，經模型師嘅改造下，家陣卻變身成一個G Cup巨乳尤物，大大提升視覺效果，配合埋持弓嘅造型，將弓箭士嘅英氣發揮得淋漓盡致。

全　　高：約210mm

售　　價：6,090約HK$580）

預售日期：2010年12月