水着孃優子

熱血嘅男性動畫，除咗要有激烈嘅作戰場面外，當然唔少得養眼嘅女主角，咁先至討得動漫迷嘅歡心，而今次介紹嘅手辦模型，就係嚟自人氣熱血機械人動畫，《天元突破 紅蓮螺巖》當中嘅女主角之一嘅優子喇！

滲出女人味

如果要數近年最熱血嘅日本動畫，呢部作品絕對係三甲之列。故事講述以螺旋王為首嘅邪惡組織佔領咗星球，人類惟有逃到地底生活。男主角西蒙同優子，為咗重奪地面嘅控制權，同邪惡組織展開連番激戰。優子作為反邪惡組織嘅核心成員，最厲害就係狙擊技術，故此佢每次出場，總會手執一支大型狙擊槍。

不過，今次優子嘅模型卻以水着Look示人，雖然少咗英姿颯颯嘅感覺，但就多咗份女人味，而且水着造型將優子玲瓏浮凸嘅身材表露無遺，尤其係一對呼之欲出嘅大包，更係模型嘅焦點所在。模型更附上小巧配件，不但令造型更生動，亦大大提高觀賞性，無論係優子嘅粉絲或者模型迷都一樣冧。

全高：約115mm

售價：9,975〈約HK$948）

預定發售日：2010年12月